ကိုယ့်အတွေး

စာတွေရေးမယ်  ကိုယ်သိထားသလောက်လေးတွေမျှဝေမယ်ဆိုတဲ့ ရည်ရွယ်ချက်နဲ့  ဒီBlog လေးကိုစလုပ်ခဲ့ပေမယ့် ခုချိန်ထိတော့ ကိုယ်စာတစ်ပုဒ်မှဖြစ်ဖြစ်မြောက်မြောက်မရေးဖြစ်ခဲ့သေးပါဘူး ။ အဲ့ဒီအတွက်တော့ ကိုယ့်ဆီမှာ အကောင်းဆုံးဆင်ခြင်တစ်ခုရှိပါတယ်.။ ပြောနေကျအတိုင်းအချိန်မရှိလို့ဆိုပြီးတော့ပေါ့။  တော်သေးတာပေါ့ စာရေးကောင်းတဲ့သူငယ် ချင်းတွေ အားကိုးရှိပေလို့။

အခုရေးချင်တဲ့အကြောင်းအရာရဲ့အဓိကအချက် ကအဲ့ဒါပါဘဲ။ ကိုယ်တို့အားလုံးမှာ ဖြစ်ချင်တဲ့ဆန္ဒတွေ လုပ်ချင်တဲ့ အရာတွေလူတိုင်းမှာရှိကြပါတယ်။ ဒါပေမယ့်အဲ့ဒါတွေကိုအကောင်အထည်ဖော်ဖို့ အမြဲတမ်း နှောင့်နှေးနေ တတ်ကြ တယ်နော်.။ အဲ့ဒီမှာဘဲ ကိုယ်တို့အားလုံးနီးပါးတူညီမယ်လို့ထင်တဲ့ အကြောင်းအရာနောက်တစ်ခုထပ်တွေ့ ရပြန်ကော။ ဘာလို့ ဒို့တွေဖြစ်ချင်တာတွေကို ကိုယ်တိုင်အကောင်အထည်ဖော်ဖို့ခြေတစ်လှမ်းတောင်မစမိကြဘဲ ဘယ်ကမှန်းမသိ ဘယ်တော့မှန်းမသိတဲ့ အချိန်အခါကောင်း၊ အခွင့်အရေးကောာင်းတွေကိုထိုင်စောင့် နေတတ် ကြတာပါဘဲ ။ သတိထားမိကြလားတော့မသိဘူး ကိုယ်တို့လူမျိုးတွေမှာအားနည်ချက်ရှိတယ်နော့။ တစ်ခါတစ်လေများစဉ်းစား မိတယ် ကိုယ်တို့တွေBrainwash များအလုပ်ခံထားရသလားလို့။ ( စဉ်းစားမိကြလား အဲ့လိုကြီး ? )  အဲ့ဒါ ကိုယ်ဖြစ်ချင်တာလုပ်ချင်တာတွေကို လူပုံအလည်မှာ ချမပြရဲ့တာ။ အင်း…..ငါပြောလိုက်ရင် ငါလုပ်လိုက်ရင် ငါ့ကိုများလှောင်ကြမလားဆိုတဲ့ အတွေးတွေရှိနေတာ။ နောက်တစ်ခုက ကိုယ်တို့ရဲ့ Culture အရငယ်ငယ်ထဲက လူကြီးမိဘကိုရိုသေကြောက်ရွံတတ်ကြပြီး တစ်ခါတစ်လေများ ဖြစ်ချင်တာတွေ လုပ်ချင်တာကိုပြော လိုက်ရင်ငါတော့ အဆူခံ ရတော့မှာဘဲဆိုပြီး ကိုယ့်စိတ်ထဲရှိတာကိုပွင့်ပွင့်လင်းလင်း မပြောရဲကြတာ။ ဒါကိုယ်တို့တွေငယ်ငယ်ထဲက အရိုးစွဲလာတဲ့စိတ်ဓါတ်ကြီး ။ လူကြီးမိဘကိုကြောက်ရွှံရိုသေတယ်ဆိုတာ အင်မတန်ချစ်စရာ ကောင်းတဲ့မွန်မြတ် တဲ့စိတ်ဓါတ်ပါ။

ဒါဆိုလည်း ဘာလို့အဲ့ဒါကိုထည့်ပြောနေလည်းလို့ စဉ်းစားနေပြန်ပြီမှတ်လား ။ ကိုယ်တို့လူငယ်တွေ ဒါမျိုးကြတော့ ရှက်တတ်ကြောက်တတ်လို့ မလုပ်ရဲဘူး မပြောရဲဘူးဆိုပေမယ့် အားလုံးသိနေတဲ့အတိုင်းဘဲ မရှက်မကြောက် သတ္တိရှိရှိနဲ့ ခိုးလုပ်နေကြတာတွေတော့အများကြီးဘဲလေ။ ကဲဒါဆို နည်းလမ်းကျကျတစ်ခုခုတော့လွဲနေပြီမှတ်လား။

တစ်ခါလောက်တော့ ကိုယ့်ကိုယ်ကိုယ်ပြန်ဆင်ခြင်ကြည့်လိုက်မိတယ်။ ကိုယ် အသက်၁၂-၁၃ လောက်က အခု ကိုယ်တို့အရွယ် ၂၇-၂၈ လောက်နဲ့အရမ်းတော်နေတဲ့လူတွေ၊အောင်မြင်နေတဲ့လူတွေများမြင်လိုက်ရင် အားကျ လိုက်ရတာ သေတော့ မလိုဘဲ ။ ငါကြီးလာရင်အဲ့လိုဖြစ်အောင်လုပ်မယ်ဆိုပြီးတော့ပေါ့။ ဒါပေမယ့်အခုဒီအရွယ် ရောက်လာလည်း ကိုယ့်ကိုယ်ကိုယ်တော့ ဟိုးဆယ်နှစ်ကျော်အချိန်တုန်းကအတွေးကမပြောင်းလဲသေးပါဘူး ။ အဲဒီငါကြီးလာရင်ဟိုလိုိုဖြစ်အာင်လုပ်မယ်ဒီလိုဖြစ်အောင်လုပ်မယ်ဆိုတဲ့အတွေးပြောပါတယ်.။တစ်ခါလောက် ခုနက ပြောခဲ့တဲ့ ချာတိတ်အရွယ်နဲ့ ပြန်ကြည့်ရင် ကိုယ်လည်းတစ်ကယ်တော့လူကြီးဖြစ်နေပါပြီ။ ခုချိန်ထိတော့ ကိုယ်ဖြစ်ချင်တာတွေကို ကိုယ်တိုင်ခြေတစ် လှမ်းစဖို့ထက် ဘာမှန်းမသိတဲ့ အခွင့်အရေးကောင်းတွေ ကံကောင်းခြင်းတွေကိုစောင့်လို့ကောင်းတုန်း။ တစ်ခုခုအဆင်မပြေတာများရှိခဲ့ရင်ကိုယ့်ကိုယ်ကိုယ် ဘာလိုအပ်နေလဲ ဆိုတာပြန်သုံးသပ်ဖို့ထပ် ဆင်ခြင်တွေပေးပြီး သူများအားနည်းချက်တွေ လက်ညိုးထိုးကောင်းတုန်း။ ဒါဆိုကိုယ့်မှာ ရှိတဲ့အသိတရားက ၁၂ နှစ် ၁၃ နှစ်အရွယ်ချာတိတ် တယောက်နဲ့ Levelတူပေါ့။ အဲ့လိုစဉ်းစားမိတဲ့ အချိန်ကစပြီးတတ်နိုင်သလောက်လေးကိုယ့်ကိုယ်ကိုယ်တဖြည်းဖြည်းပြုပြင် ကြည့်တတ်လာတယ်။

ပြင်ဆင်ကြည့်သလောက်တော့ မဆင်ခြင်မိခဲ့တဲ့အချိန်တွေကိုနှမြောလိုက်တာ။

ဥပမာပြောရရင်ကွာ အရင်ကဆိုအလုပ်ထဲမှာများအဆင်မပြေရင် အဆင်မပြေဖြစ်နေရတဲ့အဓိကအကြောင်းအရာကို စဉ်းစားဖို့ဝေလာဝေး အရင်ဆုံးစိတ်ကူးလိုက်တာက ဒီအလုပ်တော့တော်လိုက်တော့ အလုပ်အသစ်တစ်ခုရှာမယ် ဆိုတဲ့အတွေးကအရင်။ တကယ်လို့များ အဆင်မပြေဖြစ်နေရတဲ့အကြောင်းရင်းက ကိုယ့်ရဲ့အားနည်းချက် ကြောင့်ဒါမှမဟုတ်ကိုယ်ကြိုးစားကြည့်ပေးကြည့်လိုက်ရင် အဆင်ပြေသွားနိုင်တဲ့ အကြောင်း အရာမျိုးဖြစ်နေခဲ့ရင် ကိုယ့်ကိုယ့်ကိုယ်မပြုပြင်ဘဲ နောက်အလုပ် ၁၀ခုလောက်ပြောင်းလဲအဆင် ပြေမှာမဟုတ်ဘူးထင်တယ်နော်။

လာပါ.. ထ..။

ဖြစ်လာမယ်ဆိုတဲ့အချိန်ကိုမစောင့်ဘဲ ဖြစ်ချင်တာတွေနည်းနည်းလောက်စပြီးလုပ်ကြည့်ရအောင်။ မကောင်းသေး ဘူးဆိုတဲ့ အနေအထားတွေကို ဘယ်သူများကောင်းကောင်လုပ်ပေးနိုင်မလဲ ဘယ်ကောင်းတဲ့နေရာကို သွားရင်ကောင်းမလဲ ဆိုတာထက် ကိုယ့်ကိုယ်ကိုယ် ကလေးတစ်ယောက်လို့မတွေးဘဲ  ငါရောက်နေတဲ့နေရာက မကောင်းသေးရင်ဒီလိုတွေကောင်းလာအောင် ငါကိုယ်တိုင်ပြောင်းလဲပေးရမယ်လို့ တစ်ခါလောက်ဖြစ်ဖြစ်တွေးပြီး နည်းနည်းလောက် ဆရာကြီးလုပ်ကြည့်ရအောင်လား … .:D

” Champions know there are no shortcuts to the the top. They climb the mountain one step at a time. They have no use for helicopters ”

” Don’t be afraid of the space between your dreams and reality , if you can dream it, you can do it so “‘

မိုရေနာ

11 May 2010

7:00pm